مشكله مع نساء كتير

#من_الخاص

ياريت تعرضى بدون اسم  @أنا متجوزة من ٩ سنين  جوزى محور حياته سلايفى بيقولو عنى ايه وبعاملهم ازاى بيعاملهم بمنتهى الذوق والرقه والادب وانا بقى ضرب واهانه وشتيمه بأفظع الالفاظ على اهلى بيطردنى من البيت بيقولى هما احسن منك وقالها لأبن عمته بصراحه كنت ها اطلقها عشان خاطرهم بيعاملنى اسؤ معامله ممكن تتوصف بخبى على اهلى خوفا على أولادى لانهم ها يطلقونى  بيكره كل حاجه تخصنى وشغلى واولادى انا دلوقتى بروح عند معالج نفسى وبيقولى اذيه زى ما بياذيكى المهم تكسبى نفسك وبدات فعلا ارد عليه كلمه بكلمه واخرب فى الشقه ابوظ السباكه و الهان اللى فى البيت المشكله انه بيت أخوة وانا بقول كدة حرام وضميرى بيانبنى مع انى سلفى دة اتهمنى فى شرفى قبل كدة الدكتور بيقولى انتقمى لنفسك بكل الطرق وانا خايفه من ربنا جوزى اتصاب بكورونا وخبوا عنى عشان اتعدى منه ولما اكتشفت الموضوع سكت واخدت العدوى انا وابنى والحمد لله ربنا نجانا ودخدمته وما قصرتش معاه وانا اللى انقذته من الموت ودلوقتى شافنى مغمى عليا ما سالش فيا ولا قالى واقعه على الارض ليه وبقوله ها اروح اكشف بهدلنى وشتمنى كتير مع العلم عمرة ما راح معايا كشف او جابلى علاج او قالى سلامتك حتى مش عارفه ياريت راى الشرع أستمر فى الانتقام منه ولا كدة حرام