دول شخصيات

كل ما الشخصيتين دول بيظهروا قدامي قلبي بيتقبض جدا..

بفتكر ثباتهم الديني و إيمانهم القوي وأقول لنفسي هو الشيطان ممكن يوصل حد للدرجة دي؟!! بستغرب جدا وبخاف على نفسي من الفتنة جدا جدا.. 

- سنة ٢٠٠٢ قدم أحمد الفيشاوي  مع مجموعة من الدعاة والشباب منهم احمد الشقيري برنامج ديني اسمه "يلا شباب" وكانوا بيقدموا نصايح دينية.. تخيل كان ممكن الفيشاوي يبقى زي الشقيري ومصطفى حسني دلوقتي لو كان كمل ف الطريق ده!! مرة ظهر مع محمود سعد وكان البرنامج عبارة عن أسئلة ظهرت من خلاله ارائه الدينية وكان نفسه كل بنات المسلمين يلتزموا بالحجاب وكان ضد صداقة الراجل والبنت او اي علاقه بينهم غير رسمية وضد المخدرات وحاجات كتير جدا غلط كان ضدها للاسف بعد مرور سنين عمل معظمها واكتشفنا اختلاف شخصيته جذريا مع مرور الوقت.. 

- من 13 سنه حلا شيحة قررت الاعتزال والتزمت بالحجاب الشرعي بالتدريج لحد ما انتقبت لدرجة إن عينيها مكانتش بتظهر من النقاب أصلا متخيل؟ كانت بتقدم نصايح للبنات عشان يقربوا من ربنا اكتر واللي كان يشوفها وقتها حرفيا مكنش يتخيل انها هترجع مليون خطوة لورا وترجع للتمثيل وتخلع الحجاب..

الحقيقة عمرها ما كانت بشطارتك دايما بستر ربنا عليك وهدايته لقلبك.. ربنا بيقلب القلوب ف لحظة.. «ان القلوب بين اصبعين من أصابع الله يقلبها كيف شاء» 

اوعى تتغر وتشوف نفسك احسن من حد ف اي حاجه.. اوعى! ماتقولش انا عمري ما هعمل زي فلان وتسخر منه بسبب ذنوب عملها.. محدش عارف الدنيا فيها ايه ولا هنعمل ايه بكره كل اللي عليك تعمله تدعي بالدعاء ده ليل ونهار:

يا مقلب القلوب ثبت قلبي على دينك.. وتدعي ربنا انه يهدينا جميعا الصراط المستقيم ويبعدنا عن طريق الشيطان وغوايته 🙏❤

منقول